08.08.2026 | 13:20
«Ծիրան» սուպերմարկետում հացի արտադրամասի գործունեությունը կասեցվել է՝ սանիտարական խախտումների պատճառով
ՌԴ ԱԳՆ-ն՝ Ադրբեջան թուրք զինվորականներ ուղարկելու հնարավորության մասին
Քաղաքականություն
18.11.2020 | 13:26
Թուրքիայի կողմից իր զինվորականներին Ադրբեջան ուղարկելն Անկարայի ինքնիշխան որոշումն է։ Այս մասին լրագրողներին ասել է ՌԴ ԱԳ փոխնախարար Անդրեյ Ռուդենկոն՝ պատասխանելով ՏԱՍՍ-ի հարցին՝ արդյո՞ք Լեռնային Ղարաբաղի շուրջ եռակողմ համաձայնագրի վրա կազդի Թուրքիայի խորհրդարանի կողմից Ադրբեջան զորք ուղարկելու առաջարկին հավանություն տալը։
«Ոչ, դա ինքնիշխան որոշում է, որը, ինչպես երևում է, կապված է ռուս ու թուրք զինվորականների միացյալ խաղաղարար կենտրոնի հետ, որը կզբաղվի համաձայնագրի իրականացման հետ կապված իրավիճակի տեխնիկական վերահսկողությամբ»,- ասել է պաշտոնյան։
Հիշեցնենք՝ նախօրեին Թուքրիայի խորհրդարանն հավանության է արժանացրել նախագահի հրամանը, որը ենթադրում է Թուրքիայի ԶՈւ զինծառայողներին մեկ տարով Ադրբեջան ուղարկելուն։
Տաթև Ֆռանգյան
