01.04.2026 | 16:24
Աջափնյակի կրակոցների դեպքով 20 անձի նկատմամբ քրեական հետապնդում է հարուցվել․ 3-ը հետախուզման մեջ է
Թրամփը ցանկացել է հարվածներ հասցնել Իրանի միջուկային օբյեկտներին․ NYT
Քաղաքականություն
17.11.2020 | 20:34
ԱՄՆ նախագահ Դոնալդ Թրամփը ցանկացել է հարվածներ հասցնել Իրանի միջուկային օբյեկտներին, սակայն նրան համոզել են հետ կանգնել այդ մտքից, գրում է The New York Times-ը։
Պարբերականի տեղեկությունների համաձայն՝ Սպիտակ տան գործող ղեկավարն իր նախագահության վերջին շաբաթներին կփորձի խոչընդոտներ ստեղծել՝ Թեհրանի հետ գործարքի վերաբերյալ Ջո Բայդենի նախընտրական խոստումների ի կատար ածման համար։
Մասնավորապես, Թրամփը նոյեմբերի 12-ին կայացած խորհրդակցության ժամանակ հայտարարել է Իրանի Նաթանզի քաղաքում ուրանի հարստացման գործարանին հարվածների հասցնելու մտադրության մասին։ NYT-ին այս մասին ասել են ամերիկացի գործող ու նախկին 4 պաշտոնատար անձինք։
Ըստ հրապարակման՝ ԱՄՆ փոխնախագահ Մայքլ Փենսը, պետքարտուղար Մայքլ Պոմպեոն, պաշտպանության նախարարի պաշտոնակատար Քրիստոֆեր Միլլերը, երկրի ԶՈՒ շտաբերի պետերի ղեկավարները, գեներալ Մարկ Միլին և այլոք հետ են պահել նախագահին Իսլամական Հանրապետության դեմ ուժ կիրառելուց:
Տաթև Ֆռանգյան
