03.11.2026 | 19:02
Տուսկը հայտնել է, որ Լեհաստանը Կալինինգրադի մարզի հետ սահմանին հատուկ գործողության շրջանակում կանխել է ռուսական կողմից սադրանքը
ԵՄ-ն ցանկանում է բարելավել հարաբերությունները ԱՄՆ նոր նախագահի հետ
Քաղաքականություն
17.11.2020 | 17:47
Եվրամիության անդամ պետությունների ԱԳՆ ղեկավարները նոյեմբերի 19-ին կքննարկեն՝ ինչ պետք է անի ԵՄ-բ՝ ԱՄՆ նոր վարչակազմի ղեկավար Ջոզեֆ Բայդենի հետ հարաբերությունների բարելավման համար։ Այս մասին Բրյուսելում կայացած ճեպազրույցի ժամանակ հայտարարել է ԵՄ արտաքին ծառայության պաշտոնական ներկայացուցիչ Պետեր Ստանոն, գրում է ՏԱՍՍ-ը։
«Եվրամիությունը նպատակ ունի բարելավել հարաբերությունները ԱՄՆ նոր վարչակազմի հետ: ԵՄ արտաքին գործերի նախարարները հաջորդ տեսաժողովում կքննարկեն, թե ինչ պետք է անի Եվրամիությունը դրա համար»,- շեշտել է նա:
Ստանոյի խոսքով՝ Եվրամիությունը հուսով է, որ ԱՄՆ նոր վարչակազմի հետ դերքորոշումների մերձեցում կլինի Իրանի, Ռուսաստանի, Արևելյան գործընկերության երկրների, Թուրքիայի, ինչպես նաև Լիբիայի հետ հարաբերությունների հարցերում:
«Մենք շատ ավելի արդյունավետ ենք գործում, երբ գործում ենք Միացյալ Նահանգների հետ միասին»,- հայտարարել է նա:
Տաթև Ֆռանգյան
