15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Դա ռազմական դրությամբ թելադրված փաստաթուղթ էր. Լենա Նազարյան. ՏԵՍԱՆՅՈՒԹ
Քաղաքականություն
17.11.2020 | 13:07
Իրավիճակի կայունացման հնարավոր լուծումներն այսօր քննարկվում են. քանի դեռ որոշումներ չկան, ես չեմ կարող հայտարարել: Այս մասին յսօր՝ նոյեմբերի 17-ին, ԱԺ-ում լրագրողների հետ զրույցում նշեց ԱԺ փոխխոսնակ Լենա Նազարյանը:
Հարցին, թե արդյոք իրենք մերժում են ՀՀ նախագահի առաջարկությունը, ըստ որի, պետք է կազմել անցումային կառավարություն, որը կկազմակերպի արտահերթ ընտրություններ, նա պատասխանեց. «Ոչ, ես ասում եմ, որ բոլոր առաջարկվող լուծումները քննարկվում են կառավարության կողմից… Եթե քաղաքականության մեջ ինչ-որ բան հրապարակային տեղի չի ունենում, դա չի նշանակում, որ ոչինչ տեղի չի ունենում: Քննարկումներ տեղի են ունենում և մեր խմբակցությունում, և վարչապետի հետ»:
Հարցին, թե արդյոք նորմալ է, որ խորհրդարանական երկրում վարչապետը փաստաթուղթ է ստորագրում, որից երկրի նախագահը, ԱԺ նախագահը, խմբակցությունների պատգամավորները տեղյակ չեն, Լենա Նազարյանն ասաց. «Երբ այդ փաստաթուղթը ստորագրվեց, դա ոչ թե վատ առաջարկ էր, որ պետք է բերվեր, քննարկվեր ու մերժվեր, այլ իրավիճակով էր թելադրված, ռազմական դրությամբ էր թելադրված»:
Մանրամասները՝ տեսանյութում:
