17.09.2026 | 19:46
Ռուսական ԱԹՍ-ն կրկին հարվածել է Ուկրաինայի արևմուտքին՝ Լեհաստանի սահմանի մոտ
Նիկոլ Փաշինյանը՝ իր հրաժարական տալու և այդպիսով պատերազմը դադարեցնելուց հրաժարվելու պնդումների մասին. ՏԵՍԱՆՅՈՒԹ
Քաղաքականություն
16.11.2020 | 15:34
ՀՀ վարչապետ Նիկոլ Փաշինյանը վստահեցում է, որ միֆ է այն խոսակցությունը, թե հայ-ռուսական հարաբերություններում ինչ-որ բան այն չէր, դրա համար Արցախի հարցով այսպիսի լուծում եղավ: Այս մասին ասաց Նիկոլ Փաշինյանը՝ ԱԺ նիստում պատասխանելով պատգամավորների հարցերին:
«Միֆ համար մեկ՝ կապված նրա հետ, թե հայ-ռուսական հարաբերություններում ինչ-որ բան այն չէր, դրա համար այսպես ստացվեց: Ես պաշտոնապես ասում եմ, որ վերջին 5 տարվա ընթացքում Ռուսաստանի Դաշնության դիրքորոշումը Լեռնային Ղարաբաղի հարցում ոչ մի փոփոխություն չի կրել: Երկրորդ միֆն այն է, որ հնարավորություն է եղել, որ ես հրաժարական տամ, և պատերազմի ընթացը փոխվի, բայց ես փոքրոգի կերպով այդ հնարավորությունից չեմ օգտվել՝ իշխանությունը նախընտրելով ռազմական գործողությունների բարենպաստ ընթացքից»,-ասաց Փաշինյանը:
Վարչապետը վստահեցրեց, որ այդ մեսիջներն իրեն էլ են հասել ժամանակին: «Եվ ես շատ ուղիղ խոսակցություն եմ ունեցել այն մարդկանց հետ, ում հետ այդ խոսակցությունը կարող էր տեղի ունենալ, թե արդյոք դա կարող է իրավիճակի, իրադրության մեջ որևէ բան փոխել, և արդյոք կա այդպիսի կոմպոնենտ այդ պատմության մեջ»,-ասաց նա ու հավելեց, որ այդ հարցը շատ բաց է քննարկվել:
Ինչ վերաբերվում է հայ-ռուսական հարաբերություններին՝ վարչապետը վստահեցրեց, որ դրանք եղել են, կան և կմնան ռազմավարական, դաշնակցային, և դրանում որևէ մեկը որևէ կասկած չունի:
