11.09.2026 | 17:50
Բաքուն հայտարարում է, թե Ստեփանակերտում 28 հազար մարդ է բնակվում
Չեմ կարծում՝ ՀՀ-ն ունեցել է պատերազմի կանխարգելման ընդունելի գին, որը պատրաստ չի եղել վճարել. Փաշինյան. ՏԵՍԱՆՅՈՒԹ
Քաղաքականություն
16.11.2020 | 14:21
Ադրբեջանի կողմից Արցախի նկատմամբ սանձազերծված պատերազմը կանխարգելելու համար Հայաստանի Հանրապետությունը պետք է համաձայներ տարածքներ խաղաղության դիմաց բանձևին: Այս մասին նոյեմբերի 16-ին խորհրդարանում պատգամավորների հարցերին պատասխանելիս նշեց ՀՀ վարչապետ Նիկոլ Փաշինյանը:
«2020թ. ամռանը մեր գնահատականն այն է եղել, որ մենք կարող ենք բավական հաջող դիմակայել Ադրբեջանին, մենք հասկացել ենք, որ կան ռիսկեր Թուրքիայի և ահաբեկիչների կողմից պատերազմին ներգրավվելու: Պատերազմի կանխարգելման համար ՀՀ-ն պետք է համաձայներ տարածքներ խաղաղության դիմաց բանաձևին և, ինչպես մի քանի անգամ ասել եմ, այն առանձնահատկությամբ, որ այն կետում, երբ Հայաստանի համար որևէ տարբերակ ընդունելի կլինի, հաջորդ կետում Ադրբեջանն իր դիրքորոշումն ավելի էր կոշտացնելու: Պատերազմի կանխարգելումը միշտ էլ եղել է ՀՀ օրակարգում, բայց երբեք չի եղել պատերազմի կանխարգելում ամեն գնով կամ ամեն ինչի գնով»,- ասաց Փաշինյանը:
Վարչապետի կարծիքով, Հայաստանի Հանրապետությունը չի ունեցել պատերազմի կանխարգելման ընդունելի գին, որը պատրաստ չի եղել վճարել:
Մանրամասները՝ տեսանյութում:
