05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
Փաշինյանն «Իմ քայլի» պատգամավորներին է ներկայացրել պատերազմական և հետպատերազմական զարգացումները և խնդիրները
Քաղաքականություն
12.11.2020 | 18:09
Վարչապետ Նիկոլ Փաշինյանը հանդիպել է ԱԺ «Իմ քայլը» խմբակցության պատգավորների հետ։ Այս մասին ֆեյսբուքյան գրառմամբ տեղեկացրել է խմբակցության անդամ, ԱԺ փոխնախագահ Լենա Նազարյանը։
«Քիչ առաջ ավարտվեց «Իմ քայլը» խմբակցության հանդիպումը ՀՀ վարչապետ Նիկոլ Փաշինյանի հետ, որի ընթացքում վարչապետը մանրամասն ներկայացրեց նախապատերազմական, պատերազմական և հետպատերազմական զարգացումները և խնդիրները։ Քննարկել ենք ներքաղաքական և արտաքին քաղաքական մարտահրավերները։
Ազգային ժողովում արդեն իսկ գրեթե վերականգնված է խուլիգանական հարձակման արդյունքում պատճառված վնասը։ Մոտ օրերին խորհրդարանը կշարունակի իր աշխատանքը, որի անելիքները պետք է հիմնովին վերանայվեն նոր իրողություններին համապատասխան՝ երկրում առաջնահերթորեն կայունություն ու անվտանգություն ապահովելու համար»,- գրել է Նազարյանը։
