02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Ռուս խաղաղապահները Հայաստանից շարժվել են դեպի Լեռնային Ղարաբաղ․ ՏԵՍԱՆՅՈՒԹ
Քաղաքականություն
11.11.2020 | 10:40
Ռուս խաղաղապահները Հայաստանից շարժվել են դեպի Լեռնային Ղարաբաղ։ Այս մասին հայտնել են ՌԴ Պաշտպանության նախարարությունից, գրում է ՌԻԱ Նովոստին։
Ռուս խաղաղապահները սպառազինությամբ ու տեխնիկայով Երևան էին տեղափոխվել նախօրեին։ Ռուս զինվորականները շարասյունով դեպի Լեռնային Ղարաբաղ են շարժվում։
Նրանք պետք է ավելի քան 250 կմ գնան։
Առաքելության վայր ժամանելուն պես խաղաղապահները շփման գծի ու Լաչինի միջանցքի ողջ երկայնքով դիտորդական կետեր են տեղակայելու։
Հիշեցնենք՝ ավելի վաղ Ռուսաստանի, Հայաստանի ու Ադրբեջանի ղեկավարները Լեռնային Ղարաբաղում հրադադարի վերաբերյալ համատեղ հայտարարությամբ են հանդես եկել։ Համաձայն այդ հայտարարության՝ Լեռնային Ղարաբաղում լիակատար հրադադարը սկսվում է նոյեմբերի 10-ից, Հայաստանն ու Ադրբեջանը մնում են իրենց զբաղեցրած դիրքերում, ինչպես նաև սկսվում է ռազմագերիների փոխանակում։ Լեռնային Ղարաբաղում տեղակայվում են ռուս խաղաղապահներ։
Մանրամասները՝ տեսանյութում:
