27.03.2026 | 17:57
Պուտինը չի առաջարկել պատերազմի համար բիզնեսներից գումար վերցնել, բայց ողջունել է «կամավոր ներդրումները»․ Պեսկով
Պուտինը՝ Փաշինյանի և Ալիևի հետ ստորագրված համատեղ հայտարարության մասին․ ՏԵՍԱՆՅՈՒԹ
Քաղաքականություն
10.11.2020 | 03:13
ՌԴ նախագահ Վլադիմիր Պուտինը հանդես է եկել հայտարարությամբ՝ Լեռնային Ղարաբաղի հարցով Հայաստանի վարչապետի և Ադրբեջանի նախագահի հետ ստորագրված համատեղ փաստաթղթի կապակցությամբ։
«Այսօր՝ նոյեմբերի 9-ին, Ադրբեջանի Հանրապետության նախագահ Ալիևի, Հայաստանի Հանրապետության վարչապետ Փաշինյանի և Ռուսաստանի Դաշնության նախաահի կողմից ստորագրվել է հայտարարություն, որում հայտարարվում է 2020 թվականի նոյեմբերի 10-ին Մոսկվայի ժամանակով 00:00-ից Լեռնային Ղարաբաղի հակամարտության գոտում կրակի և բոլոր ռազմական գործողությունների լիարժեք դադարեցման մասին։
Ադրբեջանի Հանրապետությունը և Հայաստանի Հանրապետությունը կանգ են առնում իրենց զբաղեցրած դիրքեքրում։ Լեռնային Ղարաբաղի շփման գծի երկայնքով և Լեռնային Ղարաբաղը Հայաստանի Հանրապետությանը կապող միջացնքի երկայնքով տեղակայվում է Ռուսաստանի Դաշնության խաղաղապահ զորակազմ։
Ներքին տեղահանված անձինք և փախստականները վերադառնում են Լեռնային Ղարաբաղի տարածք և հարակից շրջաններ՝ ՄԱԿ-ի փախստականների հարցերով գերագույն հանձնակատարի գրասենյակի վերահսկողության ներքո:
Իրականացվում է ռազմագերիների, ձերբակալված այլ անձանց և զոհվածների մարմինների փոխանակում:
Ապաշրջափակվում են տարածաշրջանում բոլոր տնտեսական և տրանսպորտային կապերը։ Տրանսպորտային հաղորդակցության նկատմամբ վերահսկողությունն իրականացվում է այդ թվում Ռուսաստանի ԱԴԾ Սահմանապահ ծառայության մարմինների աջակցությամբ։
Ելնում ենք այն հանգամանքից, որ ձեռք բերված համաձայնություններն անհրաժեշտ պայմաններ կստեղծեն Լեռնային Ղարաբաղի ճգնաժամի երկարաժամկետ և լիարժեք կարգավորման համար՝ արդարության հիմքով և հայ ու ադրբեջանցի ժողովուրդների շահերից ելնելով»,- հայտարարել է Պուտինը։
