09.02.2026 | 23:09
V-BAT հետախուզական ԱԹՍ-ը՝ Հայաստանում. Պապիկյանը՝ ՀՀ-ԱՄՆ համագործակցության մեկնարկի մասին
Իրանը հրետանային և ՀՕՊ արագ արձագանքման ստորաբաժանումներ է տեղակայել երկրի հյուսիս-արևմտյան սահմաններին․ ԻՌՆԱ
Քաղաքականություն
09.11.2020 | 16:40
Լեռնային Ղարաբաղում պատերազմի հերթական բռնկումից հետո Իրանը Հարավային Կովկասի հետ սահմանների երկայնքով տեղակայել ԶՈՒ հրետանային ստորաբաժանումներ է տեղակայել՝ Իրանի տարածքային ամբողջականությունը պաշտպանելու համար:
Ըստ «Azariha»-ի թելեգրամյան ալիքում հրապարակման համաձայն՝ այս քայլն ուղերձ է տարածաշրջանում որոշ ղեկավարներին և անհատներին, որոնք Իրանին «հեգնանքով անընդհատ սպառնում են և դեպի այս տարածաշրջանում օսմանցիների և թաքֆիրիների համար ճանապարհ են բացում»։
ԻՌՆԱ-ն էլ հայտնում է, որ Իրանի հյուսիսային շրջաններում տեղակայվել են հակաօդային պաշտպանության արագ արձագանքման ստորաբաժանումները, հայտարարել է ԻԻՀ Հյուսիսային շրջանի զինված ուժերի հակաօդային պաշտպանության ուժերի հրամանատար Ալի Աքբար Աբաս Թաջադադը։
«Իրանի համար կարմիր գիծը մեր երկրի տարածքային ամբողջականությունն է և բնակչության անվտանգությունը: Թող մեր թշնամիներն իմանան, որ նրանք կոշտ պատասխան կստանան նույնիսկ Իրանի անվտանգության դեմ փոքր-ինչ շարժման դեպքում»,- հայտարարել է բարձրաստիճան զինվորականը։
Տաթև Ֆռանգյան
