18.12.2025 | 09:33
Երևան-Երասխ ավտոճանապարհին մառախուղ է
Բելառուսում 1000-ից ավելի ցուցարար է ձերբակալվել
Քաղաքականություն
09.11.2020 | 13:15
Բելառուսում իրավապահ մարմինների աշխատակիցները ձերբակալել են ավելի քան 1000 մարդու կիրակի Մինսկում ու երկրի մի քանի այլ քաղաքներում տեղի ունեցած բողոքի ցույցերի ժամանակ։ Այս մասին այսօր հայտնել է բելառուսական «Գարուն» իրավապաշտպան կազմակերպությունը։
Կազմակերպության կայքում հրապարակվել են 1003 ձերբակալված ցուցարարների անունները։ Նրանց մեծ մասը ձերբակալվել է Մինսկում, մի քանի մարդ էլ՝ Բոբրույսում, Վիտեբսկում, Ժլոբինում և այլ քաղաքներում։
Կիրակի մայրաքաղաք Մինսկում ցուցարարները չեն կարողացել մեկ շարասյուն կազմել: Ակցիան վերածվել է քաղաքի կենտրոնական տարբեր փողոցներում մի քանի հազար մարդուց բաղկացած ցրված խմբերի բողոքի։ Վերջիններին ակտիվորեն բերման են ենթարկել իրավապահները:
Տաթև Ֆռանգյան
