09.02.2026 | 23:09
V-BAT հետախուզական ԱԹՍ-ը՝ Հայաստանում. Պապիկյանը՝ ՀՀ-ԱՄՆ համագործակցության մեկնարկի մասին
Էրդողանը Պուտինին առաջարկել է ԼՂ հարցով աշխատանքային խումբ ստեղծել․ ՏԱՍՍ
Քաղաքականություն
09.11.2020 | 11:23
Թուրքիայի նախագահ Ռեջեփ Թայիփ Էրդողանն առաջարկել է ՌԴ նախագահ Վլադիմիր Պուտինին համատեղ աշխատանքային խումբ ստեղծել՝ Լեռնային Ղարաբաղի հակամարտության կարգավորման համար։ Այս մասին հայտնում է ՏԱՍՍ-ը՝ վկայակոչելով թուրքական CNN Turk-ը։
Աղբյուրի համաձայն՝ Թուրքիայի նախագահը նման առաջարկ է արել Պուտինի հետ նոյեմբերի 7-ին տեղի ունեցած հեռախոսազրույցի ժամանակ։
Թուրքական աղբյուրները պնդում են, թե, իբր, նման ձևաչափով աշխատանքը կարող է սկսվել մոտ օրերը, ինչի արդյունքում ԵԱՀԿ Մինսկի խմբից դուրս կարող է այլընտրանքային հարթակ ստեղծվել բանակցությունների համար։
Բացի այդ, նշվում է, որ, իբր, Ադրբեջանը «Շուշին գրավելուց հետո կդադարեցնի առաջխաղաղացումը, ինչից հետո կսկսվեն բանակցությունները»։ Տեղեկացվում է նաև, թե, իբր, «Հայաստանը հետզհետե դուրս կգա 7 շրջաններից»։
Տաթև Ֆռանգյան
