Քաղաքականություն
06.11.2020 | 14:29Հայաստանի փոխվարչապետ Մհեր Գրիգորյանը ԱՊՀ անդամ պետությունների Կառավարությունների ղեկավարների խորհրդի նիստին հայտարարել է, որ Ադրբեջանը, որին աջակցում է Թուրքիայի ռազմաքաղաքական ղեկավարությունը, Լեռնային Ղարաբաղում իրականացնում է ռազմական հանցագործություններ։ Հաղորդում է ՏԱՍՍ գործակալությունը։
«Ներկա պահին շարունակվում է Լեռնային Ղարաբաղի նկատամամբ ագրեսիան, և այդ ագրեսիան իրականացվում է Թուրքիայի ռազմաքաղաքական ղեկավարության ուղիղ աջակցությամբ, Սիրիայից ու Լիբիայից ահաբեկիչների ներգրավմամբ։ Ադրբեջանական կողմի մարտիկները կիրառում են ահաբեկչական խմբավորումների մեթոդները, ինչպիսիք են խոշտանգումները, գնդակահարությունները, գերիների գլխատումը, մահացածների մարմինների պղծումը։ Ադրբեջանի ղեկավարության խղճին մի շարք ռազմական հանցագործություններ կան»,- ասել է ՀՀ փոխվարչապետը։
Էմմա Չոբանյան
