20.05.2026 | 22:24
Շոյգուն հայտարարել է, թե ՀՀ ղեկավարության գործողությունները «չեն համապատասխանում ՌԴ-ի հետ դաշնակցային հարաբերությունների ոգուն»
Գերմանիայում խուզարկել են 4 անձի, որոնք կապ են ունեցել Վիեննայում ահաբեկչություն իրագործած անձի հետ
Քաղաքականություն
06.11.2020 | 14:17
Գերմանիայի իրավապահ մարմիններն այսօր առավոտյան խուզարկություններ են կատարել 4 մարդու տանը, որոնք կարող են կապ ունենալ Վիեննայում ահաբեկչություն իրականացրած հանցագործի հետ։ Այս մասին հայտնում է ՏԱՍՍ-ը՝ հղում կատարելով Գերմանիայի քրեական գործերով դաշնային գերատեսչությանը։
Օպերացիան իրականացվել է բնակելի և գրասենյակային տարածքներում երեք դաշնային նահանգներում ՝ Կասսել (Հեսսեն), Օսնաբրուկ (Ստորին Սաքսոնիա) քաղաքներում և Պիննեբերգի շրջանում։ Գերատեսչությունից ընդգծել են, որ խուզարկության ենթարկված անձինք չեն կասկածվում հանցագործություն կատարելու մեջ:
«Խուզարկությունների վերաբերյալ համապատասխան որոշումները տրվել են նոյեմբերի 5-ին ՝ Ավստրիայի արդարադատության մարմինների կողմից գերմանական իրավապահ մարմիններին տրամադրած տեղեկատվության հիման վրա», – հայտնել են գերատեսչությունից:
Հիշեցնենք, որ նոյեմբերի 2-ին Վիեննայում ահաբեկչության զոհ է դարձել 4 մարդ, ևս 23-ը վիրավորվել է։ Նրանց մի մասի վիճակը գնահատվում է ծանր։
Տաթև Ֆռանգյան
