28.11.2024 | 09:30
Սարավան-«Զանգեր» և Հնաբերդ-Գեղաձոր ավտոճանապարհներին բուք է
ԱՄՆ-ը դուրս եկավ Կլիմայի մասին փարիզյան համաձայնագրից
Քաղաքականություն
04.11.2020 | 13:35
Այսօր ուժի մեջ է մտնում Կլիմայի մասին փարիզյան համաձայնագրից ԱՄՆ-ի դուրս գալու մասին որոշումը։ Համաձայնագրից դուրս գալու որոշման մասին ԱՄՆ նախագահ Դոնալդ Թրամփն առաջին անգամ հայտարարել էր 2017 թվականին, իսկ 2019 թվականի նոյեմբերին Վաշինգտնոնը ՄԱԿ-ին պաշտոնապես տեղեկացրեց համաձայնագրից դուրս գալու գործընթացի մեկնարկի մասին, այս մասին հայտնում է DW-ի ռուսական ծառայությունը։
Որպես փարիզյան համաձայնագրից դուրս գալու պատճառ Թրամփն անվանել էր «անարդար տնտեսական սահմանափակումները, որոնք դրվում են ամերիկացի աշխատավորների, գործարարների ու հարկատուների վրա»։ Նա ընդգծել էր, որ այս քայլն արվում է ի շահ ամերիկյան ընկերությունների, որոնք աշխատում են օգտակար հանածոների արդյունահանման ոլորտում։
Այսպիսով, ԱՄՆ-ը դարձել է առաջին պետությունը, որը դուրս է եկել փարիզյան համաձայնագրից։ Ընդ որում, Պետքարտուղարությունից նշել են, որ չի բացառվում համաձայնագրին վերադարձը, եթե հաջողվի ավելի շահեկան պայմանների հասնել։
Տաթև Ֆռանգյան
