18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Իմ որոշ գործընկերներ, խաչը թաքցնելով դոլարների ու թուրքական լիրայի մեջ, սատարում են հայ ժողովրդի ցեղասպանությունը․ Վիտալի Միլոնով․ ՏԵՍԱՆՅՈՒԹ
Քաղաքականություն
03.11.2020 | 21:19
Ավելի ու ավելի հաճախ են թուրքական ավիացիան, թուրքական և ադրբեջանական զինված ուժերը հարվածներ հասցնում Հայաստանի տարածքի ուղղությամբ։ Այս մասին հայտարարել է ՌԴ Պետդումայի պատգամավոր Վիտալի Միլոնովը։
Այսօր Միլոնովը, հիշեցնենք, հայտնել էր, որ Արցախ այցելելու համար սոցցանցերում ադրբեջանցիները սպառնում են իրեն և իր ընտանիքին։
«Ես Հայաստան գնում եմ ոչ նրա համար, որ որևէ հետաքրքրություն ունեմ։ Տխրությամբ տեսնում եմ գործընկերների, որոնք հիմա աչքերը փակելով, խաչը թաքցնելով դոլարների ու թուրքական լիրայի թղթադրամների մեջ՝ սատարում են Էրդողանին և հայ ժողովրդի ցեղասպանությունը։ Ամաչում եմ նման մարդկանց համար»,- մասնավորապես ասել է նա։
Պատգամավորը հայտարարել է, որ Ռուսաստանի բնակիչների մեծ մասը խաղաղություն է ուզում տարածաշրջանում։
«Մենք պատերազմ չենք ուզում, մենք ադրբեջանցիների հանդեպ որևէ ագրեսիա չունենք։ Բայց Ադրբեջանի քաղաքացիները, որոնք ՌԴ քաղաքացի են դարձել, ինձ միլիոնավոր սպառնալիքներ են ուղարկում։ Ուզում եմ հիշեցնել, որ մեր երկրի նախագահը, ղեկավարությունը հանդես է գալիս տարածաշրջանում խաղաղության օգտին»,- հավելել է Միլոնովը։
Մանրամասները՝ տեսանյութում։
