17.09.2026 | 23:38
Սամվել Կարապետյանի տնային կալանքը երկարաձգվել է
Սիրիայում ՌԴ հերթական ավիահարվածների արդյունքում ևս մի քանի տասնյակ թուրքամետ ահաբեկիչներ են ոչնչացվել
Քաղաքականություն
03.11.2020 | 13:07
Սիրիայի հյուսիս-արևմուտքում նախօրեին իրականացված ավիահարվածների արդյունքում սպանվել է Թուրքիայի աջակցությունը վայելող առնվազն 35 զինյալ։ Այս մասին հայտնում է zamanalwsl.net-ը՝ վկայակոչելով տեղի սեփական աղբյուրներին և մշտադիտարկում իրականացնող արտասահմանյան կազմակերպություններին։
Նշվում է, որ ավիահարվածը դարձել է ամենամահացու հարձակումներից մեկն Իդլիբում գրեթե ութ ամիս առաջ կնքված հրադադարից ի վեր:
Սիրիայի զինված ընդդիմության ներկայացուցիչ Յուսեֆ Համուդը հայտարարել է, որ հարձակման թիրախ է եղել Իդլիբի հյուսիս-արևմուտքում գտնող «Ֆայլաք աշ-Շամ» թուրքամետ խմբավորման մարզումների ճամբարը։ Նշվում է նաև, որ հարվածները հասցվել են ռուսական ավիացիայի կողմից՝ որպես շարունակություն անցյալ ամիս սկսված թուրքամետ գրոհայինների դեմ հարվածների:
Հիշեցնենք՝ ավելի վաղ Սիրիայի հյուսիս-արևմուտքում ռուսական ավիահարվածների արդյունքում սպանվել էր Թուրքիայի դաշնակից 78 իսլամիստ գրոհային, ևս 100-ը՝ վիրավորվել։
Տաթև Ֆռանգյան
