17.09.2026 | 20:48
«Հայփոստի» թափանցիկության խնդիրը․ տնօրենի 3.6 մլն դրամ վարձատրություն և չբացահայտվող տվյալներ
Բելառուսը սկսում է բախվել ահաբեկչական սպառնալիքների հետ․ Լուկաշենկո
Քաղաքականություն
27.10.2020 | 16:06
Բելառուսը սկսում է բախվել ահաբեկչական սպառնալիքների հետ։ Այս մասին հայտարարել է երկրի ղեկավար Ալեքսանդր Լուկաշենկոն համաբելառուսական ժողովրդական 6-րդ ժողովի նախապատրաստման աշխատանքների շուրջ խորհրդակցությանը, գրում է ԲԵԼՏԱ-ն։
Հավաքը մի փոքր ուշ է սկսվել, և Լուկաշենկոն բացատրել է, որ չափազանց կարևոր հարցեր են եղել, որոնք չլուծելով՝ բարդ կլինի առաջ շարժվել։ Նա պատմել է, որ խոսքը իշխանական մարմինների՝ ընթացիկ իրավիճակին արձագանքման մասին է։
«Դուք, երևի, հիշում եք իմ ելույթը, երբ ես ասեցի, որ մենք պետք է զգույշ աշխատենք՝ անկախ այն հանգամանքից, որ սրված ժամանակներ են, այդ ցուցարարները թափառում են փողոցներով։ Սակայն մենք փաստել ենք, որ այս մնացած զանգվածը արմատականացել է։ Մենք հստակ տեսնում ենք կազմակերպիչներին ու նրանց, ովքեր կյանքի են կոչում այս գաղափարները։ Ես այն ժամանակ ասել էի, որ զգույշ ենք աշխատում, քանի որ նրանք կարմիր գիծը չեն հատել։ Վերջին մի քանի օրերը վկայում են այն մասին, որ մի շարք ուղղություններով նրանք հատել են այդ կարմիր գիծը»,- հայտարարել է Լուկաշենկոն։
«Դե՝ ինչպե՞ս կարող եք գնահատել այն փաստը, որ նրանք արդեն հասել են երկաթգծին և սկսել են փակել ռելսերը: Սա կարող է հանգեցնել երկաթուղում լուրջ վթարների, աղետների և շատ մարդկանց մահվան: Սրանք կազմակերպված հանցավոր խմբավորումների գործողություններ են՝ ահաբեկչության նշաններով: Մենք սկսում ենք բախվել ահաբեկչության սպառնալիքների հետ»,- շեշտել է Բելառուսի նախագահը:
Տաթև Ֆռանգյան
