15.11.2024 | 14:41
Բայրամովը՝ COP29-ին համաշխարհային առաջնորդների բացակայության և Ֆրանսիայի բոյկոտի մասին
Դավիթ Հարությունյանը լուրջ իրավաբան է, բայց մենք էլ կարծիք ունենք. Գևորգ Կոստանյան
21.12.2017 | 13:48
«Դավիթ Հարությունյանն իմ քավորն է և՛ կնունքի, և՛ հարսանիքի: Դավիթ Հարությունյանի նկատմամբ միշտ խորին հարգանք եմ ունեցել և ունենալու եմ: Իրավաբանության առումով, ես իմ առաջին պաշտոնը զբաղեցրել եմ Դավիթ Հարությունյանի պաշտոնավարման ընթացքում, հետևաբար, եթե շատ փորձեք իմ և Դավիթ Հարությունյանի միջև անձնական ինչ-որ խնդիր տեսնել, համոզված եղեք, անհնար է, անտրամաբանական է ու նաև անբարոյական»,- խորհրդարանում լրագրողների հետ զրույցում պատասխանելով Factor.am-ի հարցին՝ ասաց ՀՀԿ խմբակցության պատգամավոր Գևորգ Կոստանյանը՝ մեկնաբանելով մամուլի հրապարակումներում՝ իրենց միջև հնարավոր տարաձայնությունների մասին:
Նշենք, որ երեկ ԱԺ-ում Դատական օրենսգրքի նախագծի քվեարկությունից հետո արդարադատության նախարար Դավիթ Հարությունյանը հայտարարեց, որ քվեարկության ընթացքում ծագած վեճը անհիմն էր: Նախարարի պնդմամբ՝ քվեարկության դրված օրենքը Սահմանադրական օրենք չէր, ուստի պատգամավորների ձայների առնվազն 3/5-րդի մասնակցության կարիք չկար:
Գևորգ Կոստանյանն այսօր հակադարձեց նախարարին պնդելով՝ քվեարկության դրվածը միանշանակ Սահմանադրական օրենք էր. «Դավիթ Հարությունյանը լուրջ իրավաբան է, հեղինակավոր իրավաբան է, բայց մենք էլ կարծիք ունենք»:
Մանրամասները՝ տեսանյութում:
