18.11.2024 | 22:17
«Nissan»-ը բախվել է էլեկտրական սյանը․ սյունը շրջվել է և միակողմանի փակել ավտոճանապարհը
Հեռավար կրթության դեպքում արցախցի երեխաների ինտեգրման խնդիրը շատ դժվար է լինելու լուծել․Սերոբ Խաչատրյան. ՏԵՍԱՆՅՈՒԹ
Հասարակություն
23.10.2020 | 12:09
Հեռավար կրթության դեպքում արցախցի երեխաների ինտեգրման խնդիրը շատ դժվար է լինելու լուծել: «Հումանիտար աղետ. արցախցիների կրթության իրավունքի ոտնահարումը» թեմայով քննարկման ժամանակ այս մասին ասաց կրթության փորձագետ Սերոբ Խաչատրյանը:
«Հեռավար կրթության դեպքում ինտեգրման խնդիրը շատ դժվար է լուծել, բայց համավարակի պայմաններում դպրոցները բացելը շատ ռիսկային կլինի:
Իրավիճակի բարդությունն այն է, որ միանգամից երկու աղետի դեմ ենք կանգնած՝ մի կողմից համաճարակը, մյուս կողմից՝ պատերազմը, երկուսը միասին բարդ իրավիճակ են ստեղծում կրթության համար»,- ասաց կրթության փորձագետը:
Սերոբ Խաչատրյանի կարծիքով՝ միջազգային կազմակերպությունները պետք է քննարկեն համավարակի իրավիճակում պատերազմներ վարելը արգելելու հարցը. «Ինչո՞ւ չի ստեղծվում մի միջազգային մեխանիզմ, որ բոլոր երկրները, որոնք պատերազմ կսկսեն այս օրերին, պատժամիջոցների ենթարկվեն: Մենք հիմա կրկնակի տրավմայի ենք ենթարկվում»:
Մանրամասները՝ տեսանյութում:
