08.11.2024 | 19:00
Թրամփը գուցե զոհաբերի ԱՄՆ-ի դերը Կովկասում ՌԴ-ի հետ հարաբերությունը բարելավելու համար․ Համբիկ Սարաֆյան․ ՏԵՍԱՆՅՈՒԹ
Ռուս սենատորը՝ Լեռնային Ղարաբաղ թուրքական զորքերի հնարավոր մուտքի մասին
Քաղաքականություն
22.10.2020 | 11:14
Ռուս սենատոր Ալեքսեյ Պուշկովը հայտարարել է, որ եթե Թուրքիան Ադրբեջանի խնդրանքով զորքերն ուղարկի Լեռնային Ղարաբաղ, ղարաբաղյան հակամարտությունը միայն կսրվի, իսկ խաղաղ կարգավորումը կբացառվի, գրում է ՌԻԱ Նովոստին։
«Թուրքիայի փոխնախագահ Օքթայը հաստատել է Ադրբեջանի խնդրանքի դեպքում Ղարաբաղ թուրքական զորք ուղարկելու պատրաստակամությունը։ Թուրք զինվորականները՝ Ղարաբաղո՞ւմ։ Դա կհանգեցնի հակամարտության ընդլայնմանն ու միջազգայնացմանը կբացառի խաղաղ կարգավորումը՝ չխոսելով արդեն անցյալի ուրվականի վերածնման մասին»,- Twitter-ի միկրոբլոգի իր էջում գրել է Պուշկովը։
Հավելենք, որ երեկ Թուրքիայի փոխնախագահ Ֆուաթ Օքթայը հայտարարել է, որ երկիրը զորք կուղարկի Լեռնային Ղարաբաղ, եթե Ադրբեջանից նման խնդրանք ստացվի:
Տաթև Ֆռանգյան
