06.11.2026 | 22:08
2027 թվականին Սևանի ափին ճեմուղի կկառուցվի, Ստեփանավանում՝ 15 բազմաբնակարան շենք․ նախատեսվում է 5,1 մլրդ դրամ
Պետդեպարտամենտը չի մեկնաբանում Ադրբեջանի և Հայաստանի արտգործնախարարների հետ Պոմպեոյի հանդիպման մասին տեղեկությունը
Քաղաքականություն
20.10.2020 | 13:14
ԱՄՆ Պետդեպարտամենտը չի մեկնաբանել մամուլում հայտնված այն տեղեկությունները, որ հոկտեմբերի 23-ին հնարավոր է Լեռնային Ղարաբաղի հակամարտության սրման ֆոնին տեղի ունենա Մայք Պոմպեոյի հանդիպումները Ադրբեջանի ու Հայաստանի ԱԳՆ նախարարներ Ջեյհուն Բայրամովի ու Զոհրաբ Մնացականյանի հետ, գրում է ՏԱՍՍ-ը։
ԱՄՆ արտաքին գերատեսչության մամուլի ծառայությունից չեն պատասխանել ՏԱՍՍ-ի լրագրողի խնդրանքին՝ հաստատել կամ մեկնաբանել հանդիպման մասին տեղեկությունները, որոնք ավելի վաղ հրապարակել էր Politico թերթը՝ հղում կատարելով սեփական աղբյուրին։ Թերթի տեղեկությունների համաձայն՝ նախ պետքարտուղարը կբանակցի Ադրբեջանի արտգործնախարարի հետ, այնուհետև՝ իր հայ գործընկերոջ հետ։
Հիշեցնենք, որ հոկտեմբերի 27-ին Ադրբեջանը պատերազմ է սանձազերծել ընդդեմ Լեռնային Ղարաբաղի։ Հայաստանում ու Ադրբեջանում ռազմական դրություն ու համընդհանուր զորահավաք է հայտարարվել։
Տաթև Ֆռանգյան
