04.11.2026 | 13:51
Երեմյան կաթնամթերքում խախտումներ չեն հայտնաբերվել․ ընկերությունը ներկայացրել է փորձաքննությունների արդյունքները․ ՏԵՍԱՆՅՈՒԹ
Հայաստանի ու Ադրբեջանի ԱԳ նախարարները հոկտեմբերի 23-ին ԱՄՆ-ում կհանդիպեն Մայք Պոմպեոյի հետ․ Politico
Քաղաքականություն
19.10.2020 | 21:50
Հայաստանի և Ադրբեջանի արտգործնախարարներն ուրբաթ՝ հոկտեմբերի 23-ին Վաշինգտոնում կհանդիպեն ԱՄՆ պետքարտուղար Մայք Պոմպեոյի հետ, հաղորդում է Politico-ն:
Նշվում է, որ պարզ չէ՝ բանագնացները երկկողմ հանդիպումնե՞ր կունենա, թե՞ ամերիկացի պաշտոնյաները կփորձեն եռակողմ նիստ գումարել: Սակայն, ըստ պարբերականի, նրանց նույն օրվա այցերն ազդարարում են այն մասին, որ ԱՄՆնը խորացնում է ջանքերը՝ վերսկսված հակամարտությունը մեղմելու համար, որն «արդեն իսկ սպանել է հարյուրավոր զինվորների և խաղաղ բնակիչների»։
Հրապարակման համաձայն՝ այս հանդիպումը նաև Թրամփի վարչակազմին հնարավորություն է տալիս ընտրություններից հաշված օրեր առաջ աշխարհին ցույց տալ համաշխարհային առաջնորդության փորձը:
Ըստ է Politico-ի տեղեկությունների՝ Ադրբեջանի արտգործնախարար Ջեյհուն Բայրամովը Պոմպեոյի հետ կհանդիպի ուրբաթ առավոտյան: Դրանից հետո տեղի կունենա Պոմպեոյի հանդիպումը Հայաստանի արտգործնախարար Զոհրաբ Մնացականյանի հետ:
