19.09.2026 | 18:46
Ռուսաստանը փորձում է միջամտել ԱՄՆ-ի միջանկյալ ընտրություններին․ NYT
ՀԱՊԿ-ն արձանագրում է ԼՂ հակամարտության գոտի Սիրիայից զինյալների փոխադրումը․ Ստանիսլավ Զաս
Քաղաքականություն
08.10.2020 | 18:05
Հավաքական անվտանգության պայմանագրի կազմակերպությունն (ՀԱՊԿ) արձանագրում է Լեռնային Ղարաբաղի հակամարտության գոտի Սիրիայից զինյալների փոխադրումը, սակայն առայժմ դժվար է գնահատել մասշտաբները։ ՏԱՍՍ-ի փոխանցմամբ՝ այս մասին հայտարարել է ՀԱՊԿ գլխավոր քարտուղար Ստանիսլավ Զասը։
«Ինձ համար հիմա դժվար է դատել ղարաբաղյան հակամարտության գոտի զինյալների փոխադրման ծավալներն ու կազմակերպումը։ Ամենայն հավանականությամբ՝ դա կա, այնտեղ զինյալներ են հայտնվում։ Իհարկե՝ դա չի նպաստում հարաբերությունների կարգավորմանը, սա որոշակի մարտահրավեր է կազմակերպության համար»,- ասել է Զասը։
ՀԱՊԿ գլխավոր քարտուղարը նաև հայտարարել է, որ Թուրքիան ղարաբաղյան հակամարտության շուրջ ստեղծված իրավիճակում իրավունք ունի գործել բացառապես ԵԱՀԿ Մինսկի խմբի անդամի իր մանդատի շրջանակում։
«Եթե Թուրքիան գործում է ԵԱՀԿ մանդատի շրջանակում, ապա դրա լիակատար իրավունքն ունի։ Եթե դուրս է գալիս այդ շրջանակից, մենք դա չենք ողջունում»,- ընդգծել է Ստանիսլավ Զասը՝ հավելելով, որ ՀԱՊԿ-ն ողջունում է միայն այն երկրների մասնակցությունը, որոնք ԵԱՀԿ Մինսկի խմբում են, և այն լիազորությունների շրջանակում, որոնք տրվել են ԵԱՀԿ Մինսկի խմբի կողմից։
«Այդ հակամարտությունում այլ կողմերի ներգրավվածությունը համարում ենք ոչ արդյունավետ»,- ասել է Զասը։
