05.11.2026 | 16:13
Էրդողանը հայտարարել է, որ դեռ վաղ է գնահատել ԱՄՆ միջանկյալ ընտրությունների ազդեցությունը թուրք-ամերիկյան հարաբերությունների վրա
Ադրբեջանում դժգոհ են Գերմանիայի ԱԳ նախարարի՝ Բաքվի վրա ճնշում գործադրելու մասին հայտարարությունից
Քաղաքականություն
08.10.2020 | 13:26
Գերմանիայի ԱԳ նախարար Հայկո Մաասի հայտարարությունը, թե Բաքվի վրա պետք է ճնշում գործադրել՝ հրադադար պարտադրելու համար, Ադրբեջանում դժգոհությամբ են ընդունել։ Մասնավորապես, Ադրբեջանի ԱԳՆ-ն հայտարարություն է տարածել, որում ասվում է, թե Հայկո Մաասի՝ պաշտոնական Բաքվի վրա ճնշում գործադրելու կոչը՝ Լեռնային Ղարաբաղում հրադադար պարտադրելու համար, խորը ափսոսանք ու լուրջ տարակուսանք է առաջացնում։
Ադրբեջանի ԱԳՆ-ն հայտարարության մեջ նշվում է, որ հրադադարին ուղղված միակողմանի կոչերը միտված չեն հակամարտության լուծմանը, այլ ստատուս-քվոյի պահպանմանը։
Բաքվում նաև անարդար են համարել ներկա իրավիճակում Ադրբեջանի վրա ճնշում գործադրելու կոչերը։
«Հակառակը, մենք կոչ ենք անում Գերմանիային՝ ճնշում գործադրել Հայաստանի վրա ու արդար դիրքորոշում ունենալ «Ադրբեջանի օկուպացված տարածքներից» հայկական զորքերի դուրսբերման ապահովման գործում»,- ասվում է Ադրբեջանի ԱԳՆ հայտարարության մեջ։
Էմմա Չոբանյան
