02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Ադրբեջանի ու Գերմանիայի ԱԳՆ ղեկավարները քննարկել են ԼՂ հակամարտության հարցը
Քաղաքականություն
08.10.2020 | 11:29
Գերմանիայի և Ադրբեջանի ԱԳՆ ղեկավարներ Հայկո Մաասը և Ջեյհուն Բայրամովը հեռախոսազրույցի ընթացքում քննարկել են Լեռնային Ղարաբաղի հակամարտության գոտում ստեղծված իրավիճակը, գրում է ՏԱՍՍ-ը։
Մաասը լուրջ մտահոգություն է հայտնել տարածաշրջանում իրավիճակի լարվածության վերաբերյալ և ընդգծել խնդրի լուծման համար քաղաքական երկխոսություն սկսելու անհրաժեշտությունը։ Բայրամովն էլ հայտարարել է, թե հայկական կողմը, իբր, հրետակոծում է քաղաքացիական բնակավայրերն ու օբյեկտները։
Հիշեցնենք, որ երեկ Գերմանիայի արտգործնախարար Հայկո Մաասնը Բունդեսթագում պատասխանել է ԼՂ հակամարտության վերաբերյալ հարցերին՝ հայտարարելով, որ եթե Ադրբեջանը ռազմական գործողությունների դադարեցման պատրաստակամություն չհայտնի, ԵՄ-ն կմեծացնի ճնշումը Բաքվի նկատմամբ։
«Այսօր երեկոյան ես կրկին կխոսեմ իմ ադրբեջանցի գործընկերոջ հետ։ Մինչ օրս իրականացված բանակցություններն առնվազն օգնել են ստանալ հայկական կողմի՝ կրակի դադարեցման մասին պատրաստակամության ազդանշան, ինչը մինչ այս պահը հնարավոր չի եղել Ադրբեջանի պարագայում»,- ասել է նա։
