05.11.2026 | 23:08
Հայերը մեկ քայլով մոտեցան ԵՄ առանց վիզայի ճամփորդելու հնարավորությանը․ Մարթա Կոսը՝ նոր անձնագրերի մասին
ԵԱՀԿ խորհրդարանական վեհաժողովի նախագահը կոչ է արել դադարեցնել Լեռնային Ղարաբաղում արյունահեղությունը
Քաղաքականություն
06.10.2020 | 19:31
ԵԱՀԿ խորհրդարանական վեհաժողովի նախագահ Գեորգի Ծերեթելին կրկին կոչ է արել Հայաստանին ու Ադրբեջանին դադարեցնել ռազմական գործողությունները՝ ի շահ քաղաքացիական բնակչության ու վերսկսել Լեռնային Ղարաբաղում հակամարտության խաղաղ կարգավորման բանակցությունները՝ համաձայն ԵԽ սկզբունքների ու պարտավորությունների։ Այս մասին ասվում է ԵԱՀԿ խորհրդարանական վեհաժողովի տարածած հայտարարության մեջ։
«Մենք շարունակում ենք լրջորեն մտահոգվել հակամարտության գոտում զոհերի թվի ավելացման մասին հաղորդագրություններով, մասնավորապես տեղի բնակչության վրա ունեցած հետևանքներով, որոնք, չնայած քաղաքացիական բնակչությանը պաշտպանելու պարտավորություններին, շարունակում են տառապել շարունակվող ռազմական գործողություններից: Մենք լիովին մեր աջակցությունն ենք հայտնում ԵԱՀԿ Մինսկի խմբի Ֆրանսիայի, Ռուսաստանի և ԱՄՆ-ի համանախագահների, ինչպես նաև համապատասխան երկրների նախագահների և արտգործնախարարների անվերապահ հրադադարի կոչին»,- հայտարարել է Ծերեթելին:
Ծերեթելին նաև իր անհանգստությունն է հայտնել արգելված կասետային հրթիռների օգտագործման կապակցությամբ։
