15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Քաղաքացիական բնակավայրերի ռմբակոծումը ռազմական հանցագործություն է․ Սերժ Թանկյան
Հասարակություն
27.09.2020 | 14:34
Դա կանխամտածված ռազմական հանցագործություն է, որը կատարվել է Արցախի մայրաքաղաքի փողոցներում խաղաղ բնակիչների դեմ։ Այդ մասին ֆեյսբուքի իր էջում գրել է System of a down խմբի մենակատար Սերժ Թանկյանը՝ անդրադառնալով Արցախա-ադրբեջանական հակամարտ զորքերի շփման գծում տիրող իրավիճակին։
«Հասկանալի է, որ Ադրբեջանի կոռումպացված նավթաօլիգարխիկ ղեկավարությունը որոշ ժամանակ պլանավորել էր այս հարձակումը Լեռնային Ղարաբաղի դեմ. նախազգուշացնող նշաններ եղել են Թուրքիայի կողմից Սիրիայից գրոհայինների ներմուծումից մինչև ԱՄՆ Պետդեպարտամենտի դեսպանատան վերջին նախազգուշացումները։ Դա կանխամտածված ռազմական հանցագործություն է, որը կատարվել է Արցախի մայրաքաղաքի փողոցներում խաղաղ բնակիչների դեմ։ Մինչդեռ Ադրբեջանն անջատել է ամբողջ համացանցը, բացի Twitter-ից, որպեսզի նրանք կարողանան այն օգտագործել ապատեղեկատվություն տարածելու համար։ Կեղտոտ նավթաօլիգարխները վախենում են սեփական ժողովրդից, դրա համար էլ պատերազմ են սկսում. օրիգինալ գաղափար չէ։ Մյուս կողմից, Հայաստանում առաջադեմ ժողովրդավարություն է՝ շնորհիվ 2018 թվականի խաղաղ թավշյա հեղափոխության։ Եկել է Բաքվում հեղափոխության ժամանակը։ Եվ միայն այդ ժամանակ խաղաղություն ձեռք կբերվի այդ երկու ազգերի միջև»:
Նա գրառում կատարել է նաև Թվիթերի իր էջում․ «Քաղաքացիական բնակավայրերի ռմբակոծումը ռազմական հանցագործություն է: Ադրբեջանի վարչակարգը և նրա նավթօլիգարխիկ ղեկավարությունը պետք է անձամբ պատասխանատվություն կրեն»:
