09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Ռիո դե Ժանեյրոյի դիմակահանդեսն անորոշ ժամանակով հետաձգվել է
Քաղաքականություն
25.09.2020 | 17:58
Ռիո դե Ժանեյրոյի հանրահայտ ամենամյա դիմակահանդեսը, որը պետք է տեղի ունենար փետրվարին, անորոշ ժամանակով հետաձգվել է։ Նման հայտարարությամբ են հանդես եկել միջոցառման կազմակերպիչները, գրում է BBC-ն։
Դիմակահանդեսին մասնակցող սամբայի դպրոցները նախապես զգուշացրել էին, որ չափազանց բարդ կլինի միջոցառման կազմակերպումն առանց պատվաստանյութի։
Սամբայի լիգայի նախագահ Խորխե Կաստանեյրան հայտարարել էր, որ դպրոցները ժամանակ չունեն՝ նախապատրաստվելու փետրվարյան միջոցառմանը։
«Մենք այլընտրանքային լուծումներ ենք փնտրում, ինչ-որ բան կկարողանանք անել, երբ ապահով կլինի, բայց նշված ժամկետին մենք ոչինչ չենք հասցնի անել»,- ասել է նա։
Ռիո դե Ժանեյրոյի դիմակահանդեսն ամեն տարի գրավում է միլիոնավոր այցելուների։ Բրազիլիան աշխարհի այն երկրների եռյակում է, որոնք ամենից շատ են տուժել համաճարակից՝ ունենալով 4․5 միլիոն վարակակիր ու ավելի քան 138․000 մահ։
