18.12.2025 | 15:46
Ենթադրենք՝ բռնի ուժով կաթողիկոսին հեռացրին Մայր աթոռից, հետո՞․ սա խայտառակություն է աշխարհի առաջ․ Դավիթ Շահնազարյան․ ՏԵՍԱՆՅՈՒԹ
Լուկաշենկոն ստանձնել է նախագահի պարտականությունները․ երդմնակալության նախապատրաստությունը թաքցրել են հանրությունից
Քաղաքականություն
23.09.2020 | 13:59
Ալեքսանդր Լուկաշենկոն ստանձնել է Բելառուսի նախագահի պարտականությունները, Մինսկում Անկախության պալատում տեղի է ունեցել նրա երդմնակալության արարողությունը։
«Սպուտնիկ Բելառուսի» փոխանցմամբ՝ երդմնակալության արարողության անցկացումը գաղտնի է պահվել, իսկ երկրի ղեկավարի մամուլի քարտուղար Նատալյա Էյսմոնտն ասել է, որ արարողության մասին անպայման կհաղորդեն։
Նշվում է, որ հյուրերը Բելառուսի նախագահի նստավայր են հրավիրվել վերջին պահին։ Արարողությանը ներկա են եղել խորհրդարանի պատգամավորներ, պաշտոնյաներ, պետական լրատվամիջոցների ներկայացուցիչներ։
Սահմանադրության համաձայն՝ Ալեքսանդր Լուկաշենկոն երդման տեքստը կարդացել է բելառուսերեն, երդվել է «հավատարմորեն ծառայել Բելառուսի Հանրապետության ժողովրդին, հարգել և պահպանել մարդու և քաղաքացու իրավունքներն ու ազատությունները, հետևել ու պաշտպանել Բելառուսի Հանրապետության Սահմանադրությունը, սրբորեն և բարեխղճորեն կատարել իր վրա դրված բարձր պարտականությունները»։
Հիշեցնենք, որ Բելառուսում նախագահական ընտրություններն անցկացվեցին օգոստոսի 9-ին։ Պաշտոնական տվյալներով՝ Լուկաշենկոյի օգտին քվեարկել է ընտրողների 80.1%-ը։
Ընտրությունների արդյունքների հրապարակումից հետո երկրում բողոքի ակցիաներ սկսվեցին, որոնք մինչև հիմա շարունակվում են։
