16.02.2026 | 16:06
Հունվարին Ադրբեջանից Հայաստան է արտահանվել 2,4 միլիոն դոլարի արտադրանք
Սկանդալային բացահայտում․ Աբրամովիչն իր օֆշորային ընկերությունների միջոցով տարբեր թիմերի ֆուտբոլիստների է գնել
Հասարակություն
22.09.2020 | 14:32
Ռոման Աբրամովիչը գաղտնի տարբեր թիմերի ֆուտբոլիստների է գնել իր օֆշորային ընկերությունների միջոցով։ Այս մասին հայտնում է tvrain.ru-ն՝ վկայակոչելով BBC-ն։
FinCEN-ի փաստաթղթերից կարելի է եզրակացնել, որ 2016 թվականին Աբրամովիչի կիպրոսյան ընկերություններից մեկը 156 միլիոն դոլար է փոխանցել 4 ընկերությունների, իսկ վերջիններն այդ գումարներն ուղարկել են Leiston Holdings-ին, որը գրանցված է Մեծ Բրիտանիայում։
Աղբյուրի տեղեկություններով՝ այդ կազմակերպությունը ևս պատկանում է Աբրամովիչին։
FinCEN-ի փաստաթղթերից հետևում է նաև, որ Leiston Holdings-ին է մասնակիորեն պատկանել Անդրե Կարիլյոյի իրավունքը։ Նա 2014 թվականին Չեմպիոնների լիգայում խաղացել է «Չելսիի» կազմում՝ ընդդեմ «Սփորթինգի», ինչը նշանակում է, որ այդ ժամանակ ամբողջությամբ Ռոման Աբրամովիչին են պատկանել դաշտի 12 ֆուտբոլիստները։
