10.06.2026 | 14:24
Ում փողերն էին բաժանում ենթադրյալ ընտրակաշառողները. Արթուր Նահապետյանի պարզաբանումը․ ՏԵՍԱՆՅՈՒԹ
Կառավարությունը պետք է գա և ասի՝ ինչո՞ւ կանխատեսումները չիրականացան, ինչու՞ մեզ չէին լսում. Մելքումյան. ՏԵՍԱՆՅՈՒԹ
Տնտեսություն
18.09.2020 | 11:50
Երկու օր առաջ ՀՀ Կենտրոնական բանկը հայտարարեց տարեվերջյան սպասումների մասին, որոնք ցույց են տալիս ՀՀ-ում ստեղծված և շարունակվող տնտեսական ճգնաժամի խորությունը: Այս մասին այսօր Ազգային ժողովում ունեցած ելույթում ասաց «Բարգավաճ Հայաստան» խմբակցության պատգամավոր Միքայել Մելքումյանը:
«Այն, որ ապրիլ ամսին Կառավարությունը եկավ այստեղ և ասաց, որ տնտեսական անկումը նախատեսվում է 2 տոկոս, հիմա 6․2 տոկոս է կանխատեսվում: Մենք ժամանակին զգուշացրել էինք՝ Կառավարությո՛ւն, ևս մեկ անգամ գալու ես և ճշգրտում անես»,- ասաց Մելքումյանը՝ հավելելով, որ վերջին մեկ-երկու ամսում Կենտրոնական բանկն անկման տեմպն արագացրել է։
Դիմելով Կառավարությանը՝ պատգամավորը հետաքրքրվեց՝ արդյո՞ք պատրաստվում են առաջիկայում գալ Ազգային ժողով, եթե դեֆիցիտի աստիճանը փոխվում է, արդյո՞ք պատրաստվում են նորից վերաբաշխումներ կատարել, այդ դեֆիցիտն ինչո՞վ են փակվելու՝ հաշվի առնելով, որ հարկային մուտքերի անկումը 12 տոկոս է նախատեսված:
«Ծառայությունների, շինարարության, արդյունաբերության ոլորտներում անկումներ ունենք, ինչը մինչև տարեվերջ շարունակվելու է… Կառավարությունը, երբ առիթ կլինի, թող գա և ասի, թե իր կանխատեսումներն ինչո՞ւ չիրականացան, և ինչո՞ւ այն ժամանակ, երբ մենք ասում էինք, չէին լսում, որպեսզի իրատեսական անկման տեմպ արձանագրեին ճշգրտված բյուջեի մասին օրենքում»,- ընդգծեց ԲՀԿ-ական պատգամավորը:
Մանրամասները՝ տեսանյութում:
