18.04.2026 | 20:30
TikTok-յան քաղաքական պատերազմներ․ ինչպես են ԱԲ-ով կեղծում իրականությունը․ ՏԵՍԱՆՅՈւԹ
Քանաքեռ-Զեյթունում փլուզված շենքի բնակիչները աջակցություն կստանան․ Ղուլարյան. ՏԵՍԱՆՅՈՒԹ
Հասարակություն
17.09.2020 | 12:04
Կառավարության այսօրվա նիստում որոշում ընդունեց Երևանի Քանաքեռ-Զեյթուն վարչական շրջանի Յան Ռայնիսի փողոցի թիվ 1 շենքի՝ 2020 թվականի օգոստոսի 26-ին փլուզված 12 բնակարանների սեփականատերերին բնակարան ձեռք բերելու համար ֆինանսական աջակցություն տրամադրել:
ՀՀ քաղաքաշինության կոմիտեի նախագահի պարտականությունները կատարող Արմեն Ղուլարյանը ներկայացրեց նախագիծը և նշեց, որ այդ բնակարանների բնակիչներին ժամանակավորապես բնակեցրել են տարբեր հասցեներում՝ մինչև նրանց բնակարանային խնդրի լուծումը: Նրա խոսքով՝ ՀՀ վարչապետի տված հանձնարարականի համաձայն՝ առաջարկվել է այդ ընտանիքների խնդիրը լուծելու համար բնակարանի գնման վկայագրի վերաբերյալ նախապատրաստել որոշման նախագիծ:
«Կադաստրի կոմիտեի և Քանաքեռ-Զեյթուն վարչական շրջանի կողմից տրամադրված ելակետային տվյալների հիման վրա հաշվարկվել է այդ ընտանիքներին հասանելիք աջակցության չափը՝ հիմքում դնելով փլուզված բնակարանի ընդհանուր մակերեսը և կադաստրի կոմիտեի հրապարակած տվյալները»,- նշեց Արմեն Ղուլարյանը՝ հավելելով, որ շուկայական միջինացված գնի տվյալները կազմել է քառակուսի մետրը՝ 330 հազար դրամ:
Պահուստային ֆոնդից Աշխատանքի և սոցիալական նախարարությանը կտրամադրվի 182 միլիոն դրամ: Արմեն Ղուլարյանը վստահեցրեց, որ եթե բնակիչներն ավելի ցածր արժեքով բնակարան ձեռք բերեն, գումարի տարբերությունը կմնա աջակցություն ստացողին, և նա այդ գումարը կտնօրինի իր հայեցողությամբ:
Մանրամասները՝ տեսանյութում:
