Հասարակություն
16.09.2020 | 15:28Հայագիտությանը ԿԳՄՍ նախարարությունն ուշադրություն է դարձնում ինչպես Հայաստանում, այնպես էլ Հայաստանի սահմաններից դուրս, ինչի մասին չի խոսվում։ Այս մասին այսօր Ազգային ժողովում ասաց ՀՀ կրթության, գիտության, մշակույթի և սպորտի նախարար Արայիկ Հարությունյանը։
Նշենք, որ «Լուսավոր Հայաստան» խմբակցությունը հարցադրում է ներկայացրել նախարարի հրաժարականի վերաբերյալ։
«Լուսավոր Հայաստան» խմբակցության պատգամավոր Կարեն Սիմոնյանը նշեց, որ ավելի շատ տեխնիկական ուղղվածության վրա է շեշտը դրվում և չի քաջալերվում, օրինակ, հումանիտար ուղղությունը։
«Ձեր քաղաքականության արդյունքում տարիներ հետո չի՞ կարող տուժել հայագիտությունը»,- ասաց նա:
Արայիկ Հարությունյանն ընդգծեց, որ փորձում են բալանսը պահել․ «Մենք ուշադրության ենք դարձնում Հայաստանի սահմաններից դուրս ևս։ Իհարկե, դուք սրա մասին չեք խոսում, բայց 2017 թվականին 4 հայագիտական կենտրոն էր ֆինանսավորում, իսկ 2020 թվականին դրանց թիվը հասել է 10-ի»,- ասաց նա:
Մանրամասները՝ տեսանյութում։
