10.02.2026 | 23:52
Հայաստանի մի շարք հասցեներում էլեկտրաէներգիայի անջատումներ կլինեն
88 հոգին Արայիկ Հարությունյանին հանդուրժում է նրա համար, որ նա հեղափոխության առաջնորդներից մեկն է. Անի Սամսոնյան. ՏԵՍԱՆՅՈՒԹ
Քաղաքականություն
16.09.2020 | 12:12
Արայիկ Հարությունյանին հանդուրժում են միայն հեղափոխության առաջնորդներից մեկը լինելու համար։ ԱԺ-ում լրագրողների հետ ճեպազրույցում ասաց «Լուսավոր Հայաստան» խմբակցության պատգամավոր Անի Սամսոնյանը:
«Այսօր Արայիկ Հարությունյանի հրաժարականի պահանջը, նրան անվստահության հարցն ամենաբնական պահանջն է հանրության կողմից: Տեսեք, թե ինչ է կատարվում դպրոցներում, բուհերում, գիտության հետ առհասարակ: Մշակույթի և սպորտի մասին պարզապես կարող ենք լռել: Այս բոլոր հարցերի մասին այսօր խոսելու ենք: Երկու տարվա ընթացքում այդ մարդը, բացի գիտական հանրույթի, մանկավարժական հանրույթի նկատմամբ ցուցաբերած հեգնանքի, ծաղրի, նվաստացումների, բարեփոխումների իմիտացիայի, տնօրեններին ոչ իրավական ճանապարհներով հեռացնելու, ՀՀԿ-ական տնօրենների դեմ խտրական պայքար մղելուց՝ ոչինչ չի արել։ Բուհերում քաոս է, մարդիկ չեն կարողանում ռեկտոր ընտրել, որովհետև նախարարը միջամտում է այդ ընտրություններին»,- ասաց Անի Սամսոնյանը:
Անդրադառնալով Արայիկ Հարությունյանի՝ «թող հրաժարականով չվախեցնեն» հայտարարությանը՝ պատգամավորը նշեց. ««Իմ քայլը» խմբակցության 88 պատգամավորներն Արայիկ Հարությունյանին հանդուրժում են միայն նրա համար, որ նա հեղափոխության առաջնորդներից մեկն է: Այլ արժանիք, որպես ոլորտի պատասխանատու, այդ անձը չունի: Բոլորը գիտեն, որ նա Նիկոլ Փաշինյանի վստահելի մարդն է, այդ պատճառով լռում են: Կրթությունն այն հարցն է, որ նրանք չպիտի լռեն: Ես հասկանում եմ, որ նրանց ստիպում են»:
Մանրամասները՝ տեսանյութում:
