18.04.2026 | 20:30
TikTok-յան քաղաքական պատերազմներ․ ինչպես են ԱԲ-ով կեղծում իրականությունը․ ՏԵՍԱՆՅՈւԹ
Տեսչական մարմինը կարող է տեղում կասեցնել տնտեսվարողի գործունեությունը. ԱԺ-ն քննարկում է նախագիծը. ՏԵՍԱՆՅՈՒԹ
Տնտեսություն
15.09.2020 | 10:45
ԱԺ այսօրվա նիստում վարչապետի աշխատակազմի տեսչական մարմինների համակարգման գրասենյակի ղեկավար Արթուր Ասոյանը ներկայացրեց Կառավարության կողմից առաջարկված «Բնապահպանական վերահսկողության մասին» օրենքում և այլ օրենքներում փոփոխություններ և լրացումներ կատարելու մասին օրենսդրական փաթեթը։
Ասոյանը նշեց, որ ներկայացվող նախագծերի ընդունման անհրաժեշտությունը պայմանավորված է բնապահպանական և ընդերքի տեսչական մարմնի գործունեության արդյունավետությունը բարձրացնելով: Տեսչական մարմինների համակարգման գրասենյակի ղեկավարը հայտնեց, որ ստուգումների ժամանակ հանդիպում են դեպքերի, երբ հետագա բացասական հետևանքներից խուսափելու համար անհրաժեշտ է անմիջապես կասեցնել տնտեսվարողի գործունեությունը, բայց գործող իրավակարգավորումները թույլ չեն տալիս դա անել:
«Նախատեսում ենք տեսչական մարմնին վերապահել հատուկ գործիքակազմ, որի միջոցով տեսչական մարմինը կկարողանա տեղում անհապաղ կասեցնել սուբյեկտի գործունեությունը: Տեսչական մարմնի կողմից տնտեսվարողի գործունեության դադարեցման պարագայում, եթե տնտեսվարող սուբյեկտը դիմում է դատարան, ապա մեր որոշումը մնում է ուժի մեջ՝ մինչև դատարանի վճռի հրապարակումը, որի արդյունքում էլ այդ կասեցումը կարող է ուժը կորցրած կճանաչվել»,- նշեց նա:
Արթուր Ասոյանի խոսքով՝ որպեսզի տնտեսվարող սուբյեկտները շատ չանհանգստանան և անհարկի միջամտությունները բացառվեն, առաջարկվող կարգավորումներով կասեցման գործիքը տեսչական մարմինն օգտագործելու է բացառիկ 10 դեպքերում, որոնք հստակ թվարկված են օրենքով և դրանից դուրս տեսչական մարմինը այլ կասեցում չի կարող կիրառել:
Ասոյանը նաև հավելեց, որ գործող իրավակարգավորումներով տեսչական մարմինը կարողանում էր իր գործունեությունը իրականացնել ստուգումներով և ուսումնասիրություններով, որը սահմանափակ գործիքակազմ է և նոր փոփոխություններով նաև դիտարկումների ինստիտուտն է ներմուծված, որի ժամանակ տրվում է նախազգուշացում, բայց վարչական տույժ չի կիրառվելու:
Մանրամասները՝ տեսանյութում:
