15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ես կուլիսային խաղացող չեմ, նախագահի կողմից առաջարկ է եղել, ես ընդունել եմ. Վաղարշյան. ՏԵՍԱՆՅՈՒԹ
Քաղաքականություն
14.09.2020 | 16:40
Այսօր Ազգային ժողովում քննարկվում է ՍԴ դատավորների ընտրության հարցը։ ՍԴ դատավորի թեկնածու Արթուր Վաղարշյանը իր ելույթւոմ ընդգծեց, որ կուլիսային պայմանավորվածությւոններ չի ունեցել։
«Ընդամենը եղել է նախագահի կողմից առաջարկ, և ես համաձայնվել եմ առաջադրվել։ Նախագահը շատ ավելի լավ գիտի՝ ինչու է ինձ ընտրել, բայց ես էլ մտածեցի այդ մասին։ Գիտեի՝ շատ մարդիկ են հավակնում այդ պաշտոնին, և շատերն են ուզում հասնել դրան։ Ես դրա պատասխանը գտա սահմանադրության մեջ՝ ի դեմս 123-րդ հոդվածի առաջին 3 կետերի, որտեղ թվարկված էին նախագահի սահմանադրական լիազորությունները։ 2-րդ մասը նախագահը հետևում է Սահմանադրության պահպանմանը, 3-րդ՝ Հանրապետության նախագահն իր լիազորությունն իրականացնելիս անաչառ է և առաջնորդվում է բացառապես համապետական և համազգային շահերով։ Ես մտածեցի, որ իր առջև դրված թեկնածուների ցուցակից ավելին ես եմ համապատասխանել այդ պահանջին, և ես եմ առաջադրվել»,- նշեց Վաղարշյանը։
Մանրամասնեը՝ տեսանյութում։
