17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Սեպտեմբերի մեջ գոնե 1-2 տասնյակ ավիաընկերություններ կվերսկսեն կանոնավոր չվերթները դեպի ՀՀ․ Փաշինյան. ՏԵՍԱՆՅՈՒԹ
Տնտեսություն
10.09.2020 | 11:29
Այո՛, սա ճգնաժամ է, համաճարակային իրավիճակ է, և երբեմն տպավորություն է, որ միայն Հայաստանում է այդպիսի իրավիճակ: Այսօր ԱՊՀ երկրների շրջանառությունն ընդհանրապես փակ է: Եթե ՌԴ-ի մասին խոսենք, գրեթե բոլոր երկրների հետ փակ է շրջանառությունը, կան որոշ բացառություններ: Այս մասին այսօր Կառավարության նիստում հայտարարեց ՀՀ վարչապետ Նիկոլ Փաշինյանը:
«Մենք հիմա կարծում ենք, որ արդեն իրավիճակը հնարավորություն է տալիս, որ ԵՏՄ շրջանակներում քննարկման առարկա դարձնենք այս հարցը և փորձենք հասկանալ, թե ինչպես և ինչ ժամանակցույցով ենք դուրս գալու այս իրավիճակից: Մենք արդեն նման քննարկում նախաձեռնել ենք ԵՏՄ ձևաչափով»,- հավելեց նա:
Անդրադառնալով ուղևորափոխադրումներին և սահմանների բացման խնդրին՝ վարչապետը հավաստիացրեց, որ պլանավորվում է սեպտեմբերի կեսերից վերսկսել ավիաչվերթների մի մասը:
«Քաղավիացիայի կոմիտեն հայտեր է հավաքում, որպեսզի հասկանանք, թե որ ավիաընկերություններն են, որ պատրաստվում են վերականգնել ավիաչվերթները դեպի Հայաստան: Որքան հասկանում եմ՝ արդեն սեպտեմբերին մեկ-երկու տասնյակ ավիաընկերություններ կվերսկսեն կանոնավոր ավիաչվերթները դեպի Հայաստանի Հանրապետություն»,- նշեց վարչապետը:
Մանրամասները՝ տեսանյութում:
