21.05.2026 | 11:41
Տեղական գործակալներն ու նրանց օտարերկրյա տերերը փորձում են մեզ հակադրել Հայաստանին. Կոբախիձե
Թրամփին Խաղաղության Նոբելյան մրցանակի են առաջադրել
Քաղաքականություն
09.09.2020 | 14:53
Նորվեգական Առաջընթացի կուսակցությունից պատգամավոր Քրիստիան Տիբրինգ-Գեդդեն ԱՄՆ նախագահ Դոնալդ Թրամփին Խաղաղության Նոբելյան մրցանակի է առաջադրել՝ աշխարհում հակամարտությունների կարգավորման ուղղությամբ ջանքերի համար։ Այս մասին գրում է ՌԻԱ Նովոստին՝ վկայակոչելով Fox News հեռուստաալիքը։
«Կարծում եմ՝ պետությունների միջև խաղաղություն հաստատելու իր ջանքերում նա արել է ավելին, քան Խաղաղության մրցանակի առաջադրվածներից շատերը»,- հեռուստաալիքին տված հարցազրույցում ասել է պատգամավորը։
Նոբելյան հանձնաժողովին ուղղված նամակում Տիբրինգ-Գեդդեն նշել է, որ Թրամփի վարչակազմն առանցքային դերակատարում է ունեցել Իսրայելի և ԱՄԷ-ի միջև հարաբերությունների հաստատման գործում։ Նրա խոսքով՝ «քանի որ ակնկալվում է, որ Մերձավոր Արևելքի մյուս պետությունները կհետևեն ԱՄԷ-ի օրինակին, այդ համաձայնագիրը կարող է բեկումնային լինել, որի շնորհիվ Մերձավոր Արևելքը համագործակցության և բարգավաճման տարածաշրջան կդառնա»։
Ավելի վաղ Իսրայելն ու ԱՄԷ-ն, ԱՄՆ-ի միջնորդությամբ, համաձայնության են եկել հարաբերությունների լիարժեք կարգավորման հարցում։
ԱՄՆ-ի հետ համատեղ ներկայացված եռակողմ հայտարարությունում նշվում է, որ ըստ ԱՄԷ-ի հետ գործարքի՝ Իսրայելը ժամանակավորապես կհետաձգի Հորդանան գետի Արևմտյան ափի տարածքում իր ինքնիշխանության տարածման որոշումը։
