08.11.2024 | 19:29
Բաքուն հայտնում է, թե COP29-ին մասնակցելու համար 67,000 մարդ է գրանցվել
Մահափորձ Աֆղանստանի փոխնախագահի դեմ․ 10 մարդ է զոհվել
Քաղաքականություն
09.09.2020 | 12:27
Քաբուլում մահափորձ է իրականացվել Աֆղանստանի փոխնախագահ Ամրուլլա Սալեհի դեմ։ Այս մասին գրում է «Ինտերֆաքս»-ը՝ վկայակոչելով TOLO News-ը։
Պաշտոնյայի ավտոշարասյան ճանապարհին տեղի ունեցած պայթյունի հետևանքով 10 մարդ է զոհվել, մի քանի վիրավոր կա։ Ինքը՝ Սալեհը, չի տուժել։
«Աֆղանստանի թշնամիներն այսօր ևս մեկ անգամ փորձեցին վնաս հասցնել Սալեհին, բայց նրանց չհաջողվեց իրականացնել իրենց ծրագիրը։ Սալեհը չի տուժել»,- նշել է փոխնախագահի աշխատակազմի ներկայացուցիչ Ռազվան Մուրադը։
Աֆղանական լրատվամիջոցների հաղորդմամբ՝ մահափորձն իրականացվել է մի քանի օր անց այն բանից հետո, երբ Ամրուլլա Սալեհը փորձել է վերադառնալ ավելի քան 2 հազար կմ երկարությամբ աֆղանա-պակիստանյան սահմանի չսահմանազատված հատվածի՝ «Դյուրանդի գծի» հարցով Պակիստանի հետ քննարկումներին։
