16.12.2025 | 11:43
Մեր քաղաքացի Սամվել Կարապետյանի հետ կապված իրավիճակը շարունակում է մնալ ռուսական կողմի ուշադրության կենտրոնում. ՌԴ ԱԳՆ
Ալեքսեյ Նավալնիին թունավորելու գործի քննությունը Ռուսաստանի պատասխանատվության ներքո է. Անգելա Մերկել
Քաղաքականություն
05.09.2020 | 12:03
«Ռուսաստանի ընդդիմադիր առաջնորդ Ալեքսեյ Նավալնիին թունավորելու գործի քննությունը Ռուսաստանի պատասխանատվության ներքո է»,-հայտարարել է Գերմանիայի կանցլեր Անգելա Մերկելը:
Հիշեցնենք, այնտեղ է հիմա բուժվում երկու շաբաթ առաջ ծանր վիճակում հիվանդանոց տեղափոխված Կրեմլի քննադատը, ում կողմնակիցներն ու հարազատները պնդում են, թե Ռուսաստանի իշխանություններն են փոձել թունավորել նրան. տեղեկացնում է VOA-ն:
Գործի թափանցիկ և արդար հետաքննություն է ակնկալում նաև ԵՄ-ն: Խոսնակ Փիթեր Ստանոյի խոսքով՝ Ռուսաստանում նման դեպքեր էլի են եղել, և Ռուսաստանի արդար հետաքննությունից հետո միայն ԵՄ-ն հստակ դիրքորոշում կհայտնի կատարվածի վերաբերյալ: Միությունում քննարկվում են Ռուսաստանի նկատմամբ պատժամիջոցներ կիրառելու հարցը:
Պաշտոնական Մոսկվան իր հերթին մերժում է իրեն ուղղված կասկածները՝ հայտարարելով, թե Արևմուտքը չպետք է շտապի դատել իրենց Նավալնիի թունավորման հարցում, և որ հիմքեր չկան մեղադրելու իրենց այդ հանցագործության մեջ:
Հիշեցնենք, երեկ գերմանական կողմը հայտարարել էր, որ Նավալնիի արյան հետազոտություններից պարզվել է, որ նրան թունավորել են խորհրդային տարիներին ստեղծված «Նովիչոկ» դասի քիմիական նյութով, որի կիրառումը երկրում արգելված է:
