17.12.2025 | 16:42
Մարտունու մի գազալցակայանում հայտնաբերվել են թույլատրելի նորմը 8 և 10 անգամ գերազանցող շեղումներ
Խունդկարյանի հետ հանդիպումը դրական մթնոլորտում է անցել, կաշառքի մասին տեղեկություն չունեմ. Վարդանյան. ՏԵՍԱՆՅՈՒԹ
Քաղաքականություն
03.09.2020 | 13:36
Միասնական քվեարկության մասին խոսելը ճիշտ չէ, քանի որ փակ, գաղտնի քվեարկություն է լինելու և ամեն պատգամավոր իր համոզմունքների համաձայն պետք է քվեարկի։ Այդ մասին այսօր ԱԺ-ում լրագրողներին ասաց «Իմ քայլը» խմբակցության պատգամավոր Վլադիմիր Վարդանյանը՝ խոտելով ՍԴ դատավորների թեկնածուների հարցով սպասվող նիստի մասին։
Factor.am-ի հարցին, որ Դատավորների ժողովի կողմից ներկայացված թեկնածու Երվանդ Խունդկարյանի շուրջ քննարկումներ են ծավալվում, նրան համարում են նախկին ռեժիմի ներկայացուցիչ, խոսվում է նաև նրա կողմից ժամանակին կաշառք ստանալու մասին, այս ամենը մտահոգիչ չէ՞՝ Վարդանյանն ասաց. «Ես մասնակցել եմ պարոն Խունդկարյանի հետ հանդիպմանը, հարց չեմ ուղղել իրեն։ Ասեմ, որ պարոն Խունդկարյանի հետ հանդիպումը դրական մթնոլորտում է անցել, իսկ Ձեր նշած կաշառքի մասին տեղեկություն չունեմ»։
Մանրամասները՝ տեսանյութում:
Մերի Մարտիրոսյան
