27.02.2026 | 13:18
Պաշտպանը Սեյրան Օհանյանի նկատմամբ քրեական հետապնդումը դադարեցնելու միջնորդություն ներկայացրեց. ՏԵՍԱՆՅՈՒԹ
Թուրք-ադրբեջանական տանդեմ․ վտանգավոր միտում կա Հայաստանի համար
29.08.2020 | 16:37
«Հանուն Հանրապետության» քաղաքական նախաձեռնության կազմակերպմամբ սահմանապահ Այգեպարում քննարկում է տեղի ունենում գլոբալ և տարածաշրջանային խնդիրների վերաբերյալ։
«Շատ վտանգավոր մի թեզ կա մեզ համար և ավելի վտանգավոր՝ Թուրքիայի համար, քանի որ Թուրքիան, այդ թեզը առաջ պնդելով, կարողանում է ծնկի բերել Ադրբեջանին։
Թուրքիան իրեն, կարելի է ասել, իսկապես ինչ-որ առումով եղբոր նման է պահում, մինչդեռ Ադրբեջանից նույնատիպ արձագանք չի ստանում։ Դրա վառ ապացույցը Արևելյան Միջերկրականում հայտնի զարգացումներն են, երբ Հայաստանը, չլինելով Հունաստանի հետ «Մենք մեկ ազգ, երկու պետություն», իր աջակցությունը հայտնեց Հունաստանին և Կիպրոսին, մինչդեռ Ադրբեջանը շուրջ 2 օր անց Թուրքիային աջակցություն հայտնեց։
Ինչու Ադրբեջանը չի ցանկանում աջակցություն հայտնել Թուրքիայի տարատեսակ գործողություններին, որովհետև դա ռիսկ է, որ նա կունենա խնդիրներ տարածաշրջանային երկրների հետ, որոնք Թուրքիայի հետ խնդիրներ ունեն:
Փաստորեն, Ադրբեջանը դառնում է Էրդողանի տարածաշրջանային ագրեսիվ հավակնությունների պատանդը։ Եթե Թուրքիան աջակցություն է տալիս Ադրբեջանին Արցախյան հիմնախնդրի շուրջ, ապա Ադրբեջանը, այսպես ասենք, պարտավոր է դառնում Թուրքիային աջակցություն հայտնել տասնյակ խնդիրների շուրջ»,- այս մասին ասաց թուրքագետ Հայկ Գաբրիելյանը։
Մանրամասները՝ տեսանյութում։
