07.12.2025 | 16:36
Տավուշում համադասարանցիների կողմից երեխային ծեծի ենթարկելու դեպքը բացահայտվել է․ ՆԳ նախարարը միջնորդագիր է հղել ԿԳՄՍ նախարարին
Էս իշխանությանը պետք է, որ ՀՀ քաղաքացին 10 000 դրամին «կակա» ասի. Նիկոլ Փաշինյան
Քաղաքականություն
06.12.2017 | 12:18
Ազգային ժողովում 2018 թվականի պետական բյուջեի նախագծի քննարկման ժամանակ ԱԺ «Ելք» խմբակցության ղեկավար Նիկոլ Փաշինյանն իր ելույթում տեղեկացրեց՝ դեմ են քվեարկելու Կառավարության ներկայացրած բյուջեի նախագծին:
«2018-ը լինելու է թանկացումների տարի: Սա ընդունում է նաև կառավարությունը, որովհետև գնաճը կանխատեսվել է 4 տոկոս: Սա վերջին տարիների գնաճի ամենաբարձր կանխատեսումն է, և շատ մեծ է հավանականությունը, որ իրականությունն ավելի մեծ կլինի: Ընդ որում՝ այսօր մի շարք ապրանքներ էականորեն թանկացել են»,- հայտարարեց Փաշինյանը: Ըստ ընդդիմադիր պատգամավորի՝ արդեն իսկ արձանագրված թանկացումներից բացի, եկող տարի թանկացումները ևս անխուսափելի են՝ ԵՏՄ նոր մաքսատուրքերով, Հարկային նոր օրենսգրքով պայմանավորված: «Այսպիսով՝ սպասվում են օղու, ծխախոտի, բենզինի, սեղմված բնական գազի, հավի մսի, ձկան, շաքարավազի, բուսական յուղի, թեյի, սուրճի, դեղորայքի, ատամի մածուկի և բազմաթիվ այլ ապրանքների թանկացումներ։ Կառավարությունն այս իրավիճակի նկատմամբ խորը արհամարհանք է ցուցաբերում»,- հավելեց Փաշինյանը:
Մանրամասները՝ տեսանյութում: Շողիկ Գալստյան
