12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Սպիտակ տան վարդերի այգին վերաբացվել է
24.08.2020 | 22:33
ԱՄՆ-ի առաջին տիկին Մելանյա Թրամփը շաբաթ օրն անցկացրել է Սպիտակ տան վարդերի այգու վերաբացման պաշտոնական արարողությունը: Ներկա են եղել նաև ԱՄՆ-ի նախագահն ու փոխնախագահը. գրում է VOA-ն:
«Արված փոփոխությունները ճարտարապետների, այգեգործների, դիզայներների և պատմաբանների համագործակցության արդյունքն են»,- ասել է առաջին տիկինը:
Մելանյա Թրամփը նաև հավելել է. «Այգու հատակագիծը ի սկզբանե մշակվել էր ԱՄՆ-ի նախկին նախագահ Քենեդիի օրոք Բանի Մելոնի կողմից: 60 տարի այգում անցկացվել են բազմաթիվ նշանակալի իրադարձություններ, և այն եղել է շատ վարչակազմերի ու նրանց հյուրերի զբոսանքի վայրը»:
Այգու վերանորոգման մաս են կազմել պաստելային գույներով նոր ծաղիկներն ու նոր արահետը: Որոշ փոփոխություններ են արվել նաև հաշմանդամություն ունեցող անձանց համար այգու մուտքն ավելի դյուրին դարձնելու ուղղությամբ: Վերանորոգումը ֆինանսավորվել է հանգանակության միջոցով, սակայն Սպիտակ տունը չի հրապարակել վերանորորգման արժեքը:
