15.06.2026 | 23:06
Աջակցում ենք ընտրությունների արդյունքները չճանաչելու վերաբերյալ քաղաքական ուժերի հայտարարությանը. «Միասնության թևեր»
Հայտնի են Նավալնիի թունավորման նոր մանրամասները
Հասարակություն
21.08.2020 | 15:31
Օմսկի թիվ 1 շտապօգնության հիվանդանոցի գլխավոր բժիշկ Ալեքսանդր Մուրախովսկին նոր մանրամասներ է ներկայացրել ռուս ընդդիմադիր քաղաքական գործիք Ալեքսեյ Նավալնիի առողջական վիճակի վերաբերյալ․ հաղորդում է kommersant-ը։
«Հիմնական ախտորոշումները, որոնց մենք առավել հակված ենք, նյութափոխանակության խանգարումն է, ինչը կարող է պայմանավորված լինել ինքնաթիռում արյան մեջ շաքարի կտրուկ անկմամբ, որն առաջացրել է գիտակցության կորուստ։ Այժմ վերակենդանացման բաժանմունքի բժիշկներն անում են հնարավոր ամեն բան ՝ Նավալնիին կոմայից դուրս բերելու համար»,- նշել է Մուրախովսկին։
ՌԻԱ Նովոստիի փոխանցմամբ էլ՝ փորձագետները շարունակում են հետազոտություններ իրականացնել: Արդեն հաստատված է, որ հիվանդը չի ունեցել ինսուլտ, սրտի կաթված կամ վարակիչ ախտահարումներ՝ ներառյալ կորոնավիրուս:
Հիշեցնենք՝ երեկ Ալեքսանդր Նավալնիի ինքնազգացողությունն ինքնաթիռում կտրուկ վատացել էր: Ինքնաթիռը շտապ վայրէջք էր կատարել Օմսկում, որտեղ նրան անգիտակից վիճակում հոսպիտալացրել էին։ Հայտնի վերջին տվյալներով՝ բժիշկներին հաջողվել է կայունացնել նրա վիճակը:
Նելլի Մելքոնյան
