03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Ուկրաինայում նոր հեղաշրջումը չի բացառվում, իսկ Սաակաշվիլիին սպառնում է 3-5 տարվա ազատազրկում
Քաղաքականություն
05.12.2017 | 15:23
Վրաստանի նախկին նախագահ, Օդեսայի շրջանի նախկին նահանգապետ Միխեիլ Սաակաշվիլու ձերբակալության հետ կապված վերջին զարգացումները ցույց են տալիս, որ նրան հաջողվել է Ուկրաինայի իշխանություններին վրդովվեցնել, և որ նա բավականաչափ աջակցություն ունի Ուկրաինայում ու Ամանորից առաջ Ուկրաինայում նոր հեղաշրջումը չի բացառվում. նման կարծիք է հայտնել միջազգային ինստիտուտի տնօրեն Ալեքսեյ Մարտինովը. փոխանցում է ria.ru-ն:
Անվտանգության ծառայությունից հայտնել են, որ Սաակաշվիլին կասկածվում է հանցախմբերի անդամներին աջակցելու ու նրանց հանցավոր գործունեությունը քողարկելու համար: Հաղորդվում է, որ Միխեիլ Սաակաշվիլիին սպառնում է 3-5 տարվա ազատազրկում:
Նշենք, որ կիրակի օրը Կիևի կենտրոնում Սաակաշվիլին Ուկրաինայի նախագահ Պյոտր Պորոշենկոյի իմպիչմենտի հարցով երթ էր անցկացրել, որին մասնակցել էր մոտ 2500 մարդ:
Հիշեցնենք, որ տան խուզարկության ժամանակ Սաակաշվիլին բարձրացրել էր 8-հարկանի բնակելի շենքի կտուր ու սպառնացել էր ցած նետվել:
