15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Այսօր էլ հայկական բանակի գրեթե ողջ զրահատեխնիկան 80-ականների է․ Սերժ Սարգսյան. ՏԵՍԱՆՅՈՒԹ
Քաղաքականություն
19.08.2020 | 12:42
Սերժ Սարգսյանն այսօր խոսել է Ապրիլյան պատերազմից հետո Գերմանիայում հնչեցրած իր խոսքերին` 80-ականների զենքերի վերաբերյալ, որը հանրությունը միանշանակ չընդունեց: Սարգսյանը հիշեցրեց, որ այդ տարի Գերմանիան ԵԱՀԿ-ում նախագահում էր, և պատահական չէին իր խոսքերը:
«Եթե դիվանագիտական լեզվով թարգմանենք, ապա սա էր` հարգելի ԵԱՀԿ անդամներ, անկախ այն հանգամանքից, որ աչք եք փակում Ադրբեջանի կողմից մինչև ատամները զինվելու հանգամանքի վրա, մեր մարտիկները կարողանում են պաշտպանել իրենց հայրենիքը 80-ականների զենքերով»,- ասաց նա:
Սարգսյանը վստահեցրեց` նույնիսկ աշխարհի լավագույն բանակներն իրենց զինանոցներում ունեն 80-ականների արտադրության զենքեր: Ավելին` հայտարարեց, եթե գտնվի ժամանակակից բանակ, որն իր զինանոցում նման զենքեր չունի, պատրաստ է հրապարակավ հայտարարել, որ այդ գործից ոչինչ չի հասկանում: Ըստ Սարգսյանի` այդ թեմայով շահարկումները քաղաքական դրդապատճառներով են արվում, կամ էլ թեմային չտիրապետելն է պատճառը:
Մանրամասները՝ տեսանյութում:
