10.06.2026 | 14:14
Զախարովան ԵՄ-ին մեղադրել է «ՀՀ-ում ընտրական գործընթացը վերահսկելու, ՔՊ-ին՝ ընդդիմության նկատմամբ ճնշումների» մեջ
Մարդկանց մոտ տպավորություն է՝ ոստիկանության վրա պլան է դրված․ այսքան մարդ պետք է տուգանվի․Այվազյան. ՏԵՍԱՆՅՈՒԹ
Հասարակություն
12.08.2020 | 17:51
Մինչ այսօր դիմակ չկրելու պատճառով քանի մարդ է տուգանվել և որքան տուգանք է մուծվել։ ԱԺ հատուկ նիստի ընթացքում նման հարց հնչեցրեց ԱԺ «Լուսավոր Հայաստան» խմբակցության պատգամավոր Հրանտ Այվազյանը՝ դիմելով պարետ Տիգրան Ավինյանին։
Պատգամավորի խոսքով՝ մարդկանց մոտ տպավորություն է, որ ոստիկանության վրա պլան է դրված՝ կոնկրետ թվով տուգանք գրելու։ «Չե՞ք պատրաստվում վերանայել այդ տուգանքները։ Եղել են դեպքեր, երբ ոստիկաններն ասել են՝ ոչինչ, եկեք ձեզ տուգանք գրենք, հետո կգաք բաժանմունք, կչեղարկենք, հետո չեն էլ չեղարկել»,- նշեց պատգամավորը։
Ավինյանը նշեց, որ ընդհանուր թվեր չի կարող հայտնել, սակայն եղել է, որ մեկ օրում մինչև 3800 տուգանք է նշանակվել։ Ավինյանը շեշտեց, որ ոստիկանության որոշակի կոշտությունը արդյունավետ է։
Մանրամասները՝ տեսանյութում։
