10.02.2026 | 22:41
Աշխարհի թիվ 1 գերտերությունն ասում է՝ ՀՀ-ն 99 տարի գոյություն է ունենալու, լինելու է խաղաղ․ Փաշինյան. ՏԵՍԱՆՅՈՒԹ
Բելառուսի նախագահի ընտրությունները կայացած են հայտարարվել․ մասնակցությունը գերազանցել է 54%-ը
Քաղաքականություն
09.08.2020 | 15:22
Բելառուսի նախագահական ընտրություններում մասնակցությունը գերազանցել է 54%-ը, դրանք կարելի է կայացած համարել։ ՏԱՍՍ-ի փոխանցմամբ՝ այս մասին հայտարարել է երկրի Կենտրոնական ընտրական հանձնաժողովի (ԿԸՀ) նախագահ Լիդիա Երմոշինան։
«Ընտրությունները կայացել են։ Քվեարկությանը մասնակցել է ընտրողների ավելի քան 54%-ը»,- ասել է Երմոշինան։
Նրա խոսքով՝ ԿԸՀ-ն ակնկալում է նախագահի ընտրությունների առաջին արդյունքները ստանալ արդեն այս երեկո։
«Արդեն կարող ենք ասել, որ օրվա վերջում ինչ-որ արդյունք կունենանք»,- հավելել է ԿԸՀ նախագահը։
Երմոշինան նաև նշել է, որ որոշ մարզերում քվեարկության կազմակերպման հետ կապված բողոքներ են ստացել, բայց գրեթե բոլորը՝ չհիմնավորված։
Հիշեցնենք, որ նախագահի պաշտոնին հավակնում է 5 թեկնածու՝ գործող նախագահ Ալեքսանդր Լուկաշենկոն, Անդրեյ Դմիտրիևը, Աննա Կանոպացկայան, Սվետլանա Տիխանովսկայան և Սերգեյ Չերեչենը։
